يوم مش لاقية له وصف!!! (الجزء الأول)

سلام عليكم

ازيكوا عاملين ايه ؟؟ اليوم اللى هحكى عليه ده كان امبارح الثلاثاء 29/7
يوم الاثنين بتكلم انا وامانى على الايميل وفى اخر كلامنا والكلام جاب بعضه قدرا كده ، لقيتها بتقولى انا راحة راس البر بكرة
قلتها وانا كمان (كنت فرحانة ساعتها اوى) وقعدنا بقى نشوف وقالت لى على المكان اللى هى فيه واتفقنا نكلم بعض عشان نتقابل
جـــــــــــــه يوم الثلاثاء
بابا قعد يصحى فيا انا واخواتى قووووووووموا هنتأخر يالا قوووووووووموا
قمنا طبعاااا الساعة دلوقتى 6 الا ربع باين قمنا اتوضينا وصلينا ويلا بسرعة نلبس الاتوبيش هيمشى 6 ونصف
يالا انا واختى لبسنا وخلاص بابا قلنا اسبقونا على اما اجى انا وماما واختكوا ويوسف طبعا سبق معانا
رحنا يعتبر من اول الناس كان فى ناس بسيطة موجودة واحنا رحنا وقفنا لحد 8 وثلث
جه ثلاث اتوبيسات وكل واحد
المشرف: لا انتوا مش فى الاتوبيس ده
احنا :الله فى ايه !!
طبعا احنا والناس اللى جايين قبلنا واقفين كتيييييييييير
والناس اللى جت بعدنا كللللللللللله ركب واحنا واقفيييييييييييين
وانا طبعا اتنرفزت وخلاص كنا هنروح بعتنا اختى لبابا وخلاص شيلنا الشنطة وهنروووووح يعنى هنروووووح
قالوا خلاص ياجماعة اتصلنا بيه وهو بيصبح الكاوتش بتاع الاتوبيس وجاى اهو
احنا افتكرناهم بيسكتونا
صبرنا شوية وجه ياااااااااه اخيرا والله ماحد كان مصدق
بس ميييييييين النحس كان موجوووود موجووووود
ركبنا والحمد لله الساعة 8 وثلث واحد معانا اتصل باتوبيس من الاتوبيسات التانية قالوله احنا وصلنا
ههههههههههههههههههه قالهم نروح احنا بقى ولا ايه ده احنا لسه راكبين ماعلينا كملنا الطريق
وطبعا الاتوبيس عمال يكركر فى النص والواحد حس انه خلاص هيلقى حدفه اليوم ده
خلاص ظهرت اليافطة اللى مكتوب عليها راس البر وقف الاتوبيس
خير يارب ايه اللى حصل شمينا ريحة حاجة شايطة
هههههههههههههههههههههههه العجلة بتاعت الاتوبيس فرقعت والحمد لله
هموت بقى واعرف حاجة اومال هو كان بيغير ايه ؟؟ طبعا استحالة الاتوبيس يمشى
والناس اللى معانا قالوا خلاص ياجماعة احنا شايفين اننا باذن الله هنقضى اليوم فى الاتوبيس والاحسن انكوا تبتدوا تفطروا ههههههههههههههههههههههههههههه
الموضوع كان قالب معايا ضحك بس من جوايا طبعا مش ضحك ظاهر يعنى واقول لنفسى الله ع النحس اول مرة احس بالنحس على حق اليوم ده
طبعا اتصلوا بالاتوبيسات التانية اى حد يلحقنا باتوبيس من الاتوبيسات اللى وصلت يجى ياخدنا
جه اتوبيس الحمد لله ونزلنا وقعدنا ننقل فى الحاجة ورحنا اتوبيس تانى
وصلنا للبحر الله على كم التريأة اللى خدناه وكل ما حد يشوفنا يضحك ههههههههههههههههههههههههه
وجم يشيلوا الحاجة معانا وطبعا رحنا لقينا الناس فى البحر ههههههههههههههههه
ما علينا قعدنا وانا كلت ومقدرتش عايزة انااااااام بس الجو ميساعدش خالص
انا قاعدة بقى عادى مع ماما لقيت الموبايل بيرن لقيت امانى بتتصل بالضبط الساعة 1:33 قمت اتمشيت مع واحدة معانا اجرب يمكن الاقيها وسبحان الله انا مشيت فى الطريق الصح ووصلت لها على طووووووووول
مكنتش مصدقة وكنت طايرة من الفرح وسلمت عليها وعلى مامتها وبعدين جت سلمت على ماما واختى
وبعدين قعدنا انا وهى على مركبة كده بايظة باين كانت على الرمل
وكنا ماشين على قواقع هههههههههههههههههه على اللى عملته فينا كل شوية حد مننا يقف ويقول اه ويشوف اللى دخل فى رجله واحنا نضحك والله كان حتة يوم عسل ع الاخر وقعدنا نتصور بموبايل امانى بقى كتيير وامانى تتصور مع يوسف واسماء وانا وكلنا والتهيييس كان ع الاخر
واختى وهى بتصورنا وانا بقولها ايه انتى بتصورى تحت كده ليه !!
جت امانى تشوف الصورة لقيتها مصورة رجلينااااااا هههههههههههههههههههههههه قعدت اضحك ضحك مكنتش قادرة والله من كتر الضحك
اصل الصور مش واضحة خالص كنا بنصور بالشبه عشان الشمس مكنتش موضحة حاجة خالص

واتصورنا واحنا زى قاعدين كده ادام البحر وكل شوية حد فينا يقوم ومش عارفين نضبط نفسنا وانا عمالة اضحك

من انى خلاص مش عارفه اضبط نفسى خالص

وانا وامانى مش عايزين مية تيجى علينا خالص وكل ما نيجى نتصور ناحية البحر واحنا قاعدين اهو خلاص وهنتصور امانى تقوم فجأة وتقول المية هههههههههههههههههههههههههههههه

وانا عمالة اضحك برضو مبطلتش ضحك

واقولها يابنتى مش هتيجى عليكى ودى اوى لما المية تيجى تجرى بعيد هههههههههههههههههههه
واتصورنا كمان جمب عشة هههههههههههههه مع انى كنت خايفة بس عجبنى جدااا منظر العشة
وقعدنا نتكلم كتيييييير وكنا مبسوطين اوووى
انا رحت اتغديت ورجعت تانى اقعد مع امانى قعدنا شوية وبعدين كان لازم هى تروح بقى

يوم مش لاقية له وصف !!! (الجزء التانى)

ده الجزء التانى من البوست (يوم مش لاقية له وصف !!!)

بس كان يوم تحفة
والله الكلام مش قادر يوصفه خالص
وبعدين هى مشيت واحنا كملنا يومنا
وبصراحة احنا بقى لنا تقريبا 4 سنين او اكتر بنصيف فى جمصة بجد راس البر بقت حاجة تانية والله جميلة اوى قعدت اقول لبابا نبقى نيجى هنا بقى ان شاء الله زهقنا من جمصة وحفظناها مفيهاش غير السوق فقط
انما راس البر جميلة جميلة جميلة يعنى واللى نفسى اشوفها بقى بجد اسكندرية ياااااااااارب اروحها يااااااااارب
واحنا مروحين بقى حظنا العسل ركبنا فى نفس الاتوبيس وفى ناس لحقت نفسها وراحت على اتوبيسات تانية
وجابوا ناس بدلهم (الاتوبيس كان عبارة عن اسر)
واحنا لازقين فى الاتوبيس معرفش ليه !!
واحنا طبعا راجعين هنموووت من التعب والارهاق واول مرة تحصلى انى اكون مرهقة جدااا كده
وعايزة انام يعنى عايزة انام بقى هه
خلاص عنيا غفلت كده وحاطه دماغى على الكرسى كده وراحة فى النوم اوى يقوم الحج السواق يجى مطب نقوم مرزوعين رزع (كل اما يجى مطب يأكلهونا ) مكنش بيبطىء لما يجى مطب واحنا نترزع والعيال الصغيرة تعيط
وكلهم يزعقوا له وبعدين نهدى وننسى ونااااااااام تااااااانى يجى مطب تانى نترزع كل واحد يترزع فى الكرسى اللى ادامه واتنطر النطرة شوية وكنت هتلزق فى السقف بتاع الاتوبيس هههههههههههههههههههههه

هم يضحك وهم يبكى

وعلى هذا الحال اربع خمس مطبات والحمد لله كنا فوقنا خالص

واصلا من اول مطب كنت خلاص اتشاهدت واسترها يارب بقى وكان ورايا واحدة عمالة تقول استر يارب استر يارب لما رعبتنى
وواحدة ادامنا عيطت وتعبت وقعدت تقول لجوزها قووووووووم هات العيال جمبى هنا
والله العظيم كلنا خلاص قلنا نهايتنا حادثة فى الاتوبيس

اتوبيس ما يعلم بيه الا ربنا :(
كل شوية مطب يجى والناس تزعق والسواق ولا فى دماغه

لدرجة فى واحد قاله اييه اقعد جمبك ولا ايه يعنى انت مش عارف المطبات دى
واحنا نازلين ووصلنا وفى ناس عايزنه يوصلهم ادام شويه قام بابا قالهم ياعم قووم قول الحمد لله انك وصلت لحد هنا امشيها احسن لك بقى بدل ما توصلش خالص ههههههههههههه
جايين ننزل لقينا طنط اللى كانت بتعيط عمالة تعيط لسه ومش قادرة تنزل من الاتوبيس مش قادرة تمشى خااالص ومعاها 3 عيال صغيرين وجوزها ملبوخ بالعيال وهى تعبت وماما والستات اللى موجودين قعدوا يقوموها ويسندوها عشان تنزل نزلت بالعافية وانا اتخضيت جامد
نزلنا قعدت على كرسى كده وهما بيفوقوها لقوها اغمى عليها يالهوووووووووووى ساعتها قلبى وقع فى رجلى
وجوزها واقف بعيد والستات حواليها وولادها مش مبطلين عياط وكلنا وقفنا على اما فوقوها
وواحد بيته جمب المكان ده راح جاب عربيته وخدهم يروحهم والحمد لله روحت ويااااااااارب تخف
منه لله السواق ده والله كلنا راجعين متكسرين ومدشدشين ع الاخر
بس احلى حاجة انى قابلت امانى احلى حاجة والله لو كان اليوم كله كده كنت زمانى كرهت نفسى من كل اللى حصل ده يالا خير الحمد لله
وع فكرة دى اول مرة اقابل امانى من اول الاجازة والحمد لله كانت فى مصيف واحلى صدفة بس متفقين برضو
الى اللقاء فى بوست تانى ان شاء الله بس يكون مواقفه احلى من كده شوية
سـ y ــd ـــ o ـــ o ــــ Rـلام

المصيف .... والنتيجة !!

السلام عليكم

البلوج وحشنى جدااااا ووحشتنى الكتابة فيه اوى ونفسى احكى فيه جااامد

انا يادوب لسه راجعه إمبارح من السفر كنت بصيف بقى :) والله حاسة انى كنت فى وااااااادى تانى خاااالص

بجد انا مش مصدقة كل الجو اللى كان حاصل ايام النتيجة ده

والله انا كنت هموت واروح نت يوم النتيجة عشان افتح واشوف الاخبار

كل الناس ماشاء الله كاتبين عن النتيجة والجوانب واللى حصل فيها والله ياجماعة عادى قدر الله وماشاء فعل

وعلى راى ناس كتير شوفت ردودهم فى البلوجات التانية

كويس انها جت فى جوانب مش فى مادة تانية

وكله خييييييييييييييييييير والله ومتزعلوش نفسكوا

انا بقى النتيجة والحمد لله خالتى كلمتنى على الموبايل وقالت لى التقدير بتاعى

وانا مصدقتش يعنى وقعدت اقولها دى نتيجتى وده اسمى ؟؟ انتى متأكدة ؟؟ وقعدت تتريأ عليا شوية وقالت لى روحى فرحى مامتك يالا المهم قلت لماما وانا مش متأكده برضو

شوية ورحنا عند البحر بقى ولا فى دمااااااااااغى قلت اكيد لسه بدرى على بالليل ولا حاجة

الاقى كتكوتة تكلمنى وانا ع البحر(( والحمد لله انى اخدت الموبايل معايا )) وبتقولى ظهرت !!!!!

يالهووووووووووووووووووى احنا كنا قاعدين فى امان الله انا خلصت التليفون من هنا ومسبتهمش فى حالهم القلق اشتغل

وقومت بابا قلت له انت مش هتروح تصلى خدنى معاااااااااااااااااااااااااااااااك اروح نت دلوقتى اجيبها

ويسكتوا فيا وانا ابداااااااااااااا وماما تقولى مش خالتك جابتها قلت لها بصى انا هقوم يعنى هقوم لايمكن تكون بتبان وانا قاعدة هنااا

وقلقت جاااااااامد وقلبى كان عمال يدق من كتر القلق

وشوية وانا راحة الشقة الاقى ميمى تكلمنى حسسونى ان الدنيا قايمة بقى وايييييييه اتخضيت زيادة

بس الحمد لله انى اطمنت عليها واهم حاجة انها مبسوطة من النتيجة الحمد لله وربنا يخليهملى ياااااااااااااااااااااارب

المهم رحت ولقيت الاستبيان مش كامل :(( قمت خلصته على طووول وجبتهااااااااااااااااااااا الحمد لله نجحت وبابا كان معايا قلت له

ولحد لما وصلنا للبحر وانا عمالة اتكلم من الفرحة بقى :)

وروحت لماما وريتها الدرجات وقلت لها النسبة وهى عمالة تقولى بسسسسس وبرضو مش عاجباها المهم انى الحمد لله نجحت

بس كان حتة يوم كنت مبسووووووووووووووطة اووووووى

وتانى يوم على طووووول نتيجة الثانوية العامة بتبان يعنى احنا كنا فى السوق بتاع جمصة ده اللى مافيش غيره اصلا

لاقينا واحد فى المحل عمال يقول النتيجة هتبان الناهردة الساعة 12 قمت تنحت كده وعمال يزعق ويقول النتيجة هتبااااااااان

انا بقى ساعتها قلت ربنا يستر ((اختى فى ثانوية عامة))

وقبلها كانت كتكوتة مكلمانى وبتقولى انها هتبان ولما لقيت الناس بقى عمالة تتكلم قلت قشطةةةةةةةةةةةةةةةةة

ايه المصيف اللى باين من اوله ده

بابا عمال يرفض الحجز اللى ممكن النتيجة تبان فيه ويجى الحظ ان نتيجتى ونتيجة اختى يبانوا فى اسبوع المصيف هههههههههههههههههه :)

مشينا شوية لقينا واحد قعد فى السوق ورا عمود بكمبيوتر وطابعة وبيجيب النتيجة للناس والناس ملمومة عليه

طبعااا يتحرق السوق بقى النتيجة بتباااااااااااان

بابا قالهم روحوا وانا وهو رحنا نجيبها من النت اللى انا جبت منه نتيجتى

طبعااااااا لحد 1 ونصف والموقع مش بيفتح لما اعصبنا خلاااااااااااص

وصاحب بابا اتصل وقاله ان بنته نجحت وكده

قلت لبابا نتصل بيه يجيبها طالما هنا متاخرة

وفى الاخر جبنها من طلخا والحمد لله على كل شىء

بس بصراحة اسبوع قشطة جداااااااااااااااااااااااااا

ولما كنت جاية مكنتش زعلانة لان كل اصحابى وحشونى ونفسى اكلمهم واشوفهم

وكان نفسى بجد اعيش جو النتيجة هنا مع اصحابى

بس يالا خير الحمد لله

الحمد لله انى جيييت واطمنت على اصحابى وربنا يشفى نور القلب ياااااااااارب ويقومها بالسلامة واللى يدخل يدعى لها ربنا يشفيها

ومبروووووك لحبيبتى بسومة على النقاب وربنا يثبتها ان شاء الله

والحمد لله ان حبيببتى رجعت تانى زى الاول

واخيرا .....

ســـــ,ـــــــــ,ـــــــــ,ـــــــــــ,ــــــلام

انطباعك عن شخصية من خلال شخصية أخرى !!!!

السلام عليكم

الموضوع اللى انا عايزة اتكلم فيه النهاردة

هو بجد حاجة واضحة اوى فى تعاملتنا اللى هى ايه بقى ؟؟؟

انك مثلا تكون عرفت حد معين فى حياتك المهم عمل فيك حاجة معينة مثلا

وليك حد صاحبك تقوم ماشاء الله قايل له على كل حاجة (بحسن نية) يبقى صاحبك ده بقى

هيكون ايه انطباعه عن الشخصية اللى اتحكى له عنها دى؟؟؟؟

هو ده بقى الموضــــــــــــــــــــــوع

انا عن نفسى الموقف ده حصل ادامى بس فى حياتى العادية مش جامعة ولا حاجة

وكمان مش معايا انا بالذات بس بجد ضايقنى جداااا

واحدة تسمع كلام من اختها مثلا عن حد تقوم متغيرة معاه طب لييييييييييه ؟؟

هو انتى عن ذات نفسك حصل ليكى حاجة من الحد اللى انتى متغيرة معاه ده؟؟؟

ياجماعة ياجماعة ياجماعة

ليييييه كده ؟؟؟

طب حد حصل له حاجة من حد وبيحكى لحد بحسن نية، ليه اللى بيتحكى له ده ياخد انطباع مش كويس

ويتغير من ناحية الحد عشان موقف محصلش معاه هو شخصيا !!!!

وانت مثلا ايه اللى عرفك ما جايز حصل حاجة معينة ايا كانت بقى

انت ايه اللى يغيرك ناحية الشخصية دى

وبعدين ما ناس كتير جدااا ممكن تقول حاجات فى وقت غصبها مثلا

خلاااااااص نمسكها بقى عليهم

وكلاااااااام يفضل يتقال طب ليييييييييييه؟؟؟

يااااااااااااريت بجد كلنا ناخد بالنا من النقطة دى

والله مهمة اوى وبتزعل الناس من بعضها جاااااااااااااااااااااااااامد

وده حصل ادامى

انا بالرغم ان الموقف مش معايا انا شخصيا بس والله اتضايقت وده اللى خلانى اكتب البوست ده النهاردة

يعنى بلاش نسمع كلام ونتغير من ناحية الناس من غير ما يكونوا ليهم مواقف معانا احنااااا

انا عن نفسى لو اتقالى حاجة عن حد ااه ممكن اخد بالى وانا بتعامل مع الحد ده

انما مروحش ابعد وما اتعاملش خالص

انا بتكلم على حد عمل فى حد موقف مش حد اصلا سلوكه مش كويس والناس كلها عارفه كده واقول اتعامل معاااه

لاااااااااااااااااااااطبعااااااااااااااااااا

اكيد وجهة نظرى وصلت دلوقتى كويس اوى

واخيرا .....

كل اللى عايزاه ان كل الناس تاخد بالها كويس ان التصرفات مهما كانت بسيطة بنتحاسب عليها

فياريت بلاش كده لان الحكاية دى تحرق الدم جامد

اه ملحوظة صغيرة كده : وانا بتكلم بتكلم بصيغة المذكر لانها فى الكلام تطلق على المذكر والمؤنث :)

ســـــــــــــ y ــــ d ــــ o ـــ o ــــ R ـــــــــلام

ازاى نلاقى السعادة الحقيقية ؟؟؟

السلام عليكم

النهاردة الموضوع ده جه على بالى بقى له فترة

يمكن لان فعلا حاسة بالموضوع اووى

وظاهر جداااا ادامى فى كذا حد يعنى

بس بجد حاسه انه مهم اوووى

ومعرفش ليه كده ؟؟

هو ليه الفترة دى فى حياتنا بتبقى اغلبها حزن وضيق

وزهق وممكن نوصل اننا مش عايزين الدنيا دى بقى خلاااااااص

زهقنا منها ومن اللى عملته معانا

**************************************************

خلينا فى الموضوع اللى عايزة اقوله

ياترى ايه مفهوم السعادة الحقيقية عندنااااااااا

مش لازم يكون الانسان سعيد بالماديات لا طبعااااا

مش ده اللى اقصده خالص

انا اقصد الاحساس احساس بحاجات كتيرة اوى

يعنى مثلا ممكن مش نحس بسعادة لو افتقدنا احساس

>>>>الحب <<<<

ومحدش يفهم غلط مش قصدى الحب اللى فى بالكوا دلوقتى :)

انا اقصد الحب بين الناس عامة

الحب بين اى حد وحد تانى

تعيش وحاسس انك مافيش حد بيحبك مجرد انك حاسس كده

بس فى ناس بتحبك

بس المشكلة فى افتقاد الاحساس ده

مش بتلاقى حد معاك جمبك

فى حد فى حياتك محتاج يكون فى حياتك

حد بتحكى له كل حاجة بثق فيه لابعد الحدود

حد بيكون هو اول حد تفكر فيه لما تحصل لك اى حاجة

سواء حاجة تفرحك او تضايقك

يااااااااااااااااااه بجد لو الحد ده يكون موجود

فى حياة كل واحد (مش حبيب)

حد عادى وكويس وخلاص مش لازم يعنى

وفى احساس تانى اصعب بكتير

احساس الوحدة

هو انك مثلا تبقى وسط ناس كتير وحاسس انك لوحدك

ومش بتتكلم ولا عايز تتكلم اصلا

وطول ما انت قاعد فى ملكوت تانى

وعايز تكون كده حابب الاحساس ده لانك بتلاقى نفسك اكتر

عن لما تكون عمال تتكلم

بس فى حاجة بتخليك كده

معرفش والله ايه هى بالضبط بس هى حاجة بتوصل للاحساس ده

http://www.2shared.com/file/3547147/d95010e0/__online.html

يمكن عايش مش لاقى اللى يفهمك صح ويقدرك

وزهقت بقى من كل حاجة خلاااااااااااص

لدرجة انك توصل انك مالكش نفس خالص ولا تخرج ولا تتكلم مع حد

ولا تشوف حد

وميكونش فى نفس حتى للأكل ولا اى حاجة

بس لسه فى أمل أكيد لسه فى أمل

ويااااااارب الامل ماينقطع

وطبعا فى الحالة دى مافيش غير التقرب من ربنا سبحانه وتعالى

وأكيد ربنا هيهدى ان شاء الله

ويعدى الفترة دى على خير

وهو ده اللى عاوزة اوصل له من موضوعى ان السعادة مش هتكون متحققة صح

الا اما الانسان فعلا يكون معاه الاحاسيس الجميلة دى

يكون فعلا حاسس انه وسط ناس بتحبه ومش حاسس بوحدة

ولاقى نفسه فى كل حاجة بيعملها

وأهمممممممم حاجة راحة البال

السعادة بجد هتكون موجودة طول ما فى راحة باااااااال

ربنا يريح بالكوا كلكوا ياااااااااااارب

********************* وفى النهــــــــــــــاية ************************

ويارب يرجعلى اللى غايبين عنى

وحشتونى جداااااااااا والله ياحبايبى

نفسى ترجعوا بالسلامة ان شاء الله

وربنا يهدى الجميع ان شاء الله

ويفك عن كل حد اللهم أميييييييييييييين

ســـــــــــــــلام

عودة من جديد

السلام عليكم

طبعااا بلوجى وحشنى جدااا بقى لى كتير موقفة كتابة يجى من اسبوعين و3 أيام

عشان المزاج بتاعى مكنش كويس خالص

بس الحمد لله الى حد ما الاجازة عسل عسل مش قادرة اوصف جمالها طبعا دى تريأة

بجد حاسة انها اجازة مش طبيعية كده كل واحد فيه اللى مكفية وحاسة انى لوحدى كده

بجد جو يخنق بس برضو مهما كان احسن من حاجات تانية

المووضوع ده هخليه مجرد عودة من جديد للبلوج وهان شاء الله ابتدى مواضيع

من البوست الجاى ان شاء الله

ونفسى ادعى لكل اصحابى بدون ذكر اسماء بس دعوات ليهم بجد

كل واحدة دعوة كده وربنا يستجيب

ربنا يشفيكى ياحبيبتى يارررب

وربنا يفك عنك ياجميل وتفرفشى كده بقى

ويارب ترجعى بالسلامة عشان بجد وحشتينى

وربنا يوفقنا كلنا بقى ان شاء الله

ويعدى الاجازة دى على خيـــــــــر

والســـــــــلام عليكــــــــم ورحمــــــــة الله وبركـــــــاته