لوحدى ... كالعادة

سلام عليكم

هو انا مش متعودة اكتب بوست وبعده بيوم بوست تانى

بس اللى خلانى اكتب انى بجد مضايقة موووووووووووووت

وانى لقيت نفسى فعلا مش بكتب الا لما بكون مضايقة بجد

امبارح رحنا انا واصحابى الكلية

بعد ما عرفنا ان الاقسام نزلت فى الشئون

اللى حصل ان احنا رحنا وسالنا فى الشئون

وقالت لنا اقسامنا وطلعت انا اى اس (الحمد لله)

وكل اصحابى اى تى هو يمكن انى مكنتش متوقعة انى اكون لوحدى كده

بجد احساسى من ساعتها فظييييييييييييييييييييع مش قادرة اتخيل كده والله

هو انا الحمد لله راضية بالقسم بتاعى جدااااااااااااااااااااا وعايزاه جدااااااااااااا

يمكن لو كان جالى اى تى كنت هكون مش مبسوطة ولا مرتاحة

بس انا الحمد لله من ناحية القسم عادى جدااااااا وايام الامتحانات ارتحت اوى ليه ومنكتش عايزة اى تى خااالص

كل زعلى على اصحابى اللى هما بقوا كلهمممم فى قسم وانا فى قسم لوحدى كده

لما رجعت من الكلية مبطلتش عياط بس النهاردة وانا بكتب دلوقتى هديت شوية

بس كل اما افتكر الموقف وان الدراسة لما تيجى هنكون مش مع بعض زى السنتين اللى فاتوا

ياااااااااااااااااااااااااه احساس وحش بجد

بس والله بدعى لهم ربنا يوفقهم كلهم ان شاء الله

وربنا معايا بقى وده نصيب يالا خـــــــــــير