أحاسيس زى اللى قبلها !!!

سلام عليكم

يمكن بوستى ده هيكون الى حد ما حزين

وكمان انا بكتبه من غير ما اضبطته ومن غير ما اكتبه فى كشكولى الاول

ولا حتى كتبته فى نوت باد ولا اى حاجة

معلش حبيت اخلى الموضوع ده يكون ليه علاقة بموضوع حطيته قبل كده على بلوجى برضو

اللى هو أحاسيس ناحية اماكن أحبتها !!

معرفش ليه بس هو كده بقى وخلاص

عاوزة احط بقيت الاحاسيس اللى مش عايزة تخلص دى

مكان ما انا كنت فرضاه قبل كده انه مثلا حديقة

اى مكان يعنى

حبيته بجد واحساسك اتغير

تتخيل ان احساسك بالمكان ده مش قادر ترجعه زى ما كان خالص

وده ممكن يتعب

لما تبقى حاجة من جواك اوى بتحس انك كنت بتحب مكان معين

وخلاص

ولا بقى ليك فيه مكان ولا هيبقى

وكل الناس اللى بتتردد عليه غير ناس زمان

والمكان معدش زى الاول

وناسه برضو مبقوش زى الاول

وزى ما قلت قبل كده مافيش حاجة بتفضل على حالها :(

حاسة ان اسلوب كلامى حزين جدا

بس بجد معلش

اصل المكان انت هتحبه ليه ؟؟؟

الطبيعى انه اكيد بيكون بيمثل لك حاجة حلوة فى حياتك

واكيد احساسك مش قادر يرجع زى الاول

عشان مبقاش المكان ده يوصل للدرجة اللى كان عليها

خلاص كفاية كده

سلااااااام