السلام عليكم
هو ليه صعب فى بعض الاحيان ان ده يحصل
ايه هو بقى ؟؟
انا بصراحة كنت بجد فى حالة مايعلم بيها الا ربنا امبارح بسب مليون الف حاجة
ومنها حاجات كانت ممكن تخلينى لو كنت كتبت حاجة امبارح كنت بجد خنقتكوا معايا
بس ماعلينا الظاهر اننا عمرنا ماهنلاقى حاجة تفرح
من كل ناحية والله
ماااعليناااا خلينا فى موضوعنا
دلوقتى ايه هو اللى صعب بقى ؟؟؟؟؟!!!!
مع العلم ان الموضوع ده سمعته على نجوم اف ام وعجبنى جدااااا وكنت ناوية احطه بس بعد كده بشوية
هو ليه صعب فى بعض الاحيان ان ده يحصل
ايه هو بقى ؟؟
انا بصراحة كنت بجد فى حالة مايعلم بيها الا ربنا امبارح بسب مليون الف حاجة
ومنها حاجات كانت ممكن تخلينى لو كنت كتبت حاجة امبارح كنت بجد خنقتكوا معايا
بس ماعلينا الظاهر اننا عمرنا ماهنلاقى حاجة تفرح
من كل ناحية والله
ماااعليناااا خلينا فى موضوعنا
دلوقتى ايه هو اللى صعب بقى ؟؟؟؟؟!!!!
مع العلم ان الموضوع ده سمعته على نجوم اف ام وعجبنى جدااااا وكنت ناوية احطه بس بعد كده بشوية
بس يالا مش مشكلة اى وقت محدش ضامن عمره
ومش على حد ولا عن اى حاجة من الاول كده انا بتكلم عامة وعلى الموضوع اللى سمعته وعجبنى بسسس مش اكتر
ان مثلا ليه لما يكون لحد حد بيحبه او صاحبه يعنى بيكون فى حاجة صعبة كده تخليه ميعرفش
يقوله عن حاجة غلط صاحبه ده بيعملها
ليييييييه بقى ؟؟؟؟؟
هو اه احنا لينا اصحاب وحق الصاحب على صاحبه انه لو شاف حاجة غلط بيعملها انه يوجهه فيها
مش أكتر
وده المفروض فعلا الحمد لله بيحصل بينا كأصحاب الحمد لله لما حد بيلاقى حد غلطان بيقوله وفى وشه كمان
منتهى الصراحة الحمد لله الحمد لله
ما هو مش معقولة يعنى اكون مصاحبة واحدة صاحبتى وليها تصرفات مش بتعجبنى بجد مينفعش
انا لو فى حاجات مش عجبانى فى واحدة صاحبتى او مش مقتنعة بيها او هى مش عجبانى كشخصية مثلا
هصاحبها ليه ؟؟؟!!!
مش المفروض ان اى حد فينا بيختار صحابه على اساس انهم متقاربين فى حاجات كتير زى بعض
وبيكونوا تصرفاههم زى بعض الكويسة طبعااااا
وأخلاقهم متوافقة مع بعضها
وحاجات كتير بتختلف من شخص للتانى فى اختيار صديقه
والحاجات دى اللى على أساسها بنكون زى بعض
وبنكلم بعض من غير اى حساسية لو فى حاجة اكيد بنقولها لبعض واصحاب اووى اوووى يعنى
انا عن نفسى لو حد مش من اصحابى كده بتحرج اكلمها بصراحة يعنى بس كأصحاب اللى بمشى معاهم
لأ
وبجد بنقول لبعض على أى حاجة شايفنها فى بعض
أمال أصحاب ازاى ؟؟؟
بس هو عموما الموضوع مش عن الصداقة ولا إختيار الاصحاب لاننا مش صغيرين الحمد لله وكل واحد فينا بيعرف
يختار اصدقائه كويس والحمد لله على حسب شخصيته وتفكيره
هو زى ماقلت عن انه ليه بيبقى صعب علينا اننا نقول لحد بنحبه انت فيك كذا وبلاش تعمل كذا وكذا زى ما انا مش بعمله
هو زى ماقلت عن انه ليه بيبقى صعب علينا اننا نقول لحد بنحبه انت فيك كذا وبلاش تعمل كذا وكذا زى ما انا مش بعمله
بالضبط
بسسسسسسسسسسسسسسسسسسسسسسسسس
معلش طولت جامد جدااا معلش بس
موضوع عجبنى وحبيت أحطه
عايزة اعرف آرائكوا بقى فى إنه لييييه ده صعب ؟؟؟!!!
6 التعليقات:
موضوع جميل جداااااا ياروودى والله ومهمم
هوا زى ماانتى بتقولى كده بيبقى صعب فى بعض الأحيان بس ده لو انتوا مش اصحاب اووى او مش واخدين على بعض اووى فبيبقى صعب ..
انما لو فعلااا اصحاب اووى ولقيت حاجة مش عاجبانى فى صاحبتى دى .. هقولها عشان يهمنى مصلحتهاااا وبخاف عليها واكيد بحبهاا
انما حكاية صعب "لييييه" بقى .. فده يمكن عشان بتبقى خايفة انها تزعل من كلامك او كده .. انما انا بجد احب اللى يقولى عيوووبى قبل مميزاتى (لو كان فيا مميزات يعنى ).. مش كل حاجة اه حلوة وماشى ..
عشان اعرف ان صحبتى دى امرى يهمهااا .. بس كده
//baby//
شكرا جداعلى ردك ياجميل
مية مية ياحبيبتى والله
صح كده يبقى فعلا لما حد بيخاف على حد بيقوله على اللى فيه وبصراحة
وده كويس مش وحش
واطمنى فيكى مميزات متخافيش
سلام ياجميل
بصراااحه موضوع جميل جدااا
وكنت بكلم فيه مع واحد صحبى ليلة امتحان الداتابيز فى المدينة
كان الكلاام عن الموضوع ده بالظبط
وكان راايى فى الموضوع ان انا صااحبك
يبقى المفروووض لو انت بتعمل حاجه غلط
او مش يصح انها تتعمل
من واجبى عليك كصااحب انى اقولك
انت بقى كانسان من حقك انك تقتنع او لاا تقتنع
لاكن ده مش هيهز الصحوبيه الى بينا
لااكن مش هيهزهااا امتى
فى حالة واحدة بس
لو تصرفااات صاحبك ديه مش بتاثر على تصرفاااتك ومعنى انها مش تاثر على تصرفااتك
انك لما تشوفه بيعمل حاجه غلط تتجاهل الغلط ده ومتندمجش معاااه لو انت هتقدر تتحكم فى نفسك وتقدر تتحكم فى شخصيتك وصاحبك ده عزيز عليك يبقى خلااص مدام انت نبهته يبقى انت اديت واجبك كصااحب
لاكن بقى ميجيش واحد يقولى انا بنصح صاحبى انه ميعملش كذا كذا وكذاا
وبعد فتره الافيه بيعمل نفس الخطا الى صاحبه بيعمله واندمج معاه فيه
النوع ده من النااس الى لاازم يبعد عن الصااحب ده لانه مش هيقدر يتحكم فى نفسه قصاد افعال صاحبه
بس كده
وشكرا ع الموضوع الحيوى ده
سلام عليكم
// abdelhamid ibrahim //
هو اه احنا ننصح اصحابنا ماشى بس برضو مش نسيبهم كده لانه اصحابنا يعنى تصرفاتهم تهمنا مهما كان نصحناهم ومقتنعوش يبقى هما اللى عايزين كده بقى
واهم حاجة اننا فعلا منتأثرش بالحاجات اللى مش مقتنعين بيها فى الاصحاب
طالما هما مش هيتغيروا وهما عايزين كده
يبقى خلاص ربنا يهدى
وشكرا جدا لحضرتك على الرد
موضوع رااائع ياروودى بجد ومهم جدا وكان نفسى حد يفتحه اوى
بصى انا هاقولك على حاجه
انا عامة مش بحب انصح حد مش ليا علاقه بيه اوى
لكن اصحابى القريبين اوى منى لما بلاقيهم بيعملوا حاجه غلط بتكلم وبقول وباسلوب حلو انهم ميزعلوش
بس كون ان فى واحده مثلا منهم مقتنعتش بكلامى خلاص دى حاجه ترجعلها هى وانا فى نفس الوقت محسش انى قصرت نحيتها من حيث النصيحه
انا بلغت وخلاص وهى ليها حريه الاختيار تكمل فى الحاجه دى او لا
وعلى فكره فكرة ان كل حد لازم يبقى زى صاحبه بالظبط دى مش صح اوى ممكن فعلا تحصل وحصلت معايا الحمدلله مع كذا حد من اصحابى بس فى نفس الوقت مش كل اصحابى زى بالظبط
ومش لازم كل اللى بيعملوه اكون انا بعمله عشان صاحبتهم
ومش لازم برده صفاتهم او شخصيتهم او طباعهم تبقى زيى
انا مقتنعه ان كل واحده ليها شخصيتها واسلوبها وتفكيرها ومبادئها اللى ماشيه عليها فى حياتها لان زى مانتى قلتى احنا مش صغيرين احنا كبار اننا نختار كويس واكيد كل واحده فينا فيها عيوب بس المهم منتأثرش ببعض فى العيوب
وكون ان اى واحده تقابل حد يختلف معاها ده ميضرهاش طالما مش بتتاثر بيهم ولسه ثابته على موقفها
زى مقال البشمهندس عبدالحميد بالظبط
لااكن مش هيهزهااا امتى
فى حالة واحدة بس
لو تصرفااات صاحبك ديه مش بتاثر على تصرفاااتك ومعنى انها مش تاثر على تصرفااتك
انك لما تشوفه بيعمل حاجه غلط تتجاهل الغلط ده ومتندمجش معاااه لو انت هتقدر تتحكم فى نفسك وتقدر تتحكم فى شخصيتك وصاحبك ده عزيز عليك يبقى خلااص مدام انت نبهته يبقى انت اديت واجبك كصااحب
لكيت بشكل غير طبيعى بس كان نفسى اتكلم فى الموضوع ده من زمان
سلام ياجميل
شكرا على موضوعك يارضوى
بصى هو ليه صعب ؟ دى من وجهة نظرى ان لها حالات يعنى مش دايما بيكون صعب
لانها بتعتمد على شخصية صحبتك هى بتتقبل النصيحة والنقد ولالا ...
فى نوع من البشر مهما حاولتى معاهم ولانك بتحبيهم بتنصحيهم .. بمجرد ملاحظات على تصرفاتهم لا يمكن يقبلوها او يعدلوا على تصرفاتهم
مش شرط تكونى جربتى اصحابك فى انك تقوليلهم على اخطائهم وتشوفى رد فعلهم على الحكاية دى لا ممكن تلاحظيها من تصرفاتهم تعرفى اذا كان ممكن يتقبلوا حاجة زى دى منك ولالا
حصل مرة موقف بين اتنين من اصحابى واحدة راحت تقول للتانية على حاجة فيها فقالتهالها كدة " عمرى ماهاغير نفسى علشان حد وانا كدة " فبتحكيلى
قولتلها لو كنتى صبرتى ولاحظتيها كنتى هاتعرفى انها مش من النوع ده " انها يعنى تتقبل النقض بسهولة " ومكنتيش هاتتعبى نفسك على الفاضى لانى عارفة الاتنين وعارفة اسلوبهم فبكلمها على الاساس ده
ده سبب من الاسباب اللى تخليكى ماتقوليش لحد على عيوبه ... فى النهاية بتختلف على حسب الشخص اللى انتى بتكلميه
إرسال تعليق